Чăваш Республикин вĕрентÿпе çамрăксен политикин министерстви, «Тантăш» хаçат редакцийĕ, Чăваш Республикин Журналистсен пĕрлĕхĕ, И.Н. Ульянов ячĕллĕ Чăваш патшалăх университечĕ, Г.С. Лебедев ячĕллĕ наци интернат лицейĕ «Букварьтен — илемлĕ литературăна çити» ăмăрту пуçлаççĕ, унта 7-11 классенче вĕренекен ачасем хутшăнма пултараççĕ. Комисси халиччен пичетлемен, конкурссене тăратман чăвашла сăвăсемпе калавсем, очерксемпе повеçсем, пьесăсем тата литературăн ытти жанрĕпе çырнă ĕçсем йышăнать.

Конкурс тĕллевĕсем: чăваш халăхне çутта кăларнă И.Я. Яковлева чысласси, Чăваш чĕлхи кунне тивĕçлĕ шайра палăртасси; шкулта вĕренекенсене литература ĕçĕпе çывăхрах туслаштарасси, çамрăк çыравçăсен ăсталăхĕпе пултарулăхне ÿстерме пулăшасси.

Хайлавсене компьютерпа пичетлесе е алăпа таса та тирпейлĕ çырса акан 8-мĕшĕччен коммисие ярса памалла.

Конкурсăн йĕрки-шывне кунта вырнаçтарнă.