Елчĕкри тĕп библиотекăра районти шкул ачисемпе вěрентекенсем  хушшинче «Поэзи çăлтăрĕсем - 2013» илемлĕ вулакансен  фестивалĕ иртрĕ.

«Поэзи çăлтăрĕсем» фестивале поэзие юратакан, ăнланакан, чунпа туякан  пултаруллă çамрăксене, вěрентекенсене  тупса палăртас, хавхалантарас  тĕллевпе йĕркеленĕ.

Хутшăнакансене çакăн пек ушкăнсемпе пайланă:

1. 1- 4 кл. вĕренекенсем;

2. 5 – 7 кл. вĕренекенсем;

3. 8 – 10 кл. вĕренекенсем;

4. вěрентекенсем.

Фестиваль икĕ номинаципе иртрĕ. Ачасемпе вĕрентекенсем хăйсем çырнă сăввисене, поэт сăввисене вуларĕç.

   «Поэзи çăлтăрĕсем- 2013 »  фестивале Кушкăри вăтам шкулта вĕренекен ачасемпе вĕрентекенсем те хутшăнчěç.

«Чăваш поэчěсен   çут çанталăк темипе çырнă сăввисене илемлĕ    вуласси»  номинацире Михеев Дениспа  (5 класс, ертÿçи – Веникова Г.В.)  Михеев Владимир

(9 класс, ертÿçи – Портнова А.И.) хутшăнчěç, 3- мĕш вырăнсене йышăнчěç.

 «Автор хайлавĕ» номинацире 4-мĕш класра  вĕренекен Данилпа Кирилл Вениковсем хутшăнчěç, Тав хучĕсене тивĕçрĕç. Вěрентекенсен ушкăнĕнче Веникова Г.В.  3- мĕш вырăн йышăнчě. Саламлатпăр.