 |
| http://teley.webnode.ru сайтри ӳкерчĕк |
Чăваш Республикин хисеплĕ çыннисем!
Сире Пĕлӳ кунĕпе тата çĕнĕ вĕренӳ çулĕ пуçланнă ятпа чун-чĕререн саламлатăп!
Çĕнĕ пĕлӳ илесшĕн çунни, професси ăсталăхне лайăхлатса пыма, ăс-хакăл тата ӳт-пӳ тĕлĕшĕнчен аталанма ăнтăлни — ку чухнехи пурнăçăн мĕн пур тытăмĕнче çыншăн ăнăçăвăн никĕсĕ.
Чăваш Ен вĕренӳ тытăмĕ тĕрлĕ енлĕ аталаннă çынна пурнăç çулĕ çине тухмашкăн пулăшма тивĕçлĕ. XXI ĕмĕр ыйтнипе килĕшӳллĕн мĕн пур шайри вĕренӳ учрежденийĕсенче анлă модернизаци пырать, пурлăхпа техника никĕсĕ çирĕпленет, вĕренӳ тата лаборатори оборудованийĕ çĕнелет.
Çĕнĕ вĕренӳ çулĕнче Чăваш Республикинче 1000 ытла вĕренӳ заведенийĕ хăйсен алăкĕсене уçать. Вĕсенче 318 пин вĕренекенпе студент, çав шутра пĕрремĕш класа каякан 13 пин ача, пĕлӳ илĕç.
Юлашки 3 çулта шкулсен пурлăхпа техника никĕсне çĕнетме 3,5 млрд ытла тенкĕ хывнă. Çак вăхăтра юсав кирлĕ шкулсен 50 ытла процентне çĕнĕ сăн кĕртнĕ. Хуласенчи тата ялсенчи пысăк шкулсен апатланмăшĕсене модернизацилеме 210 млн тенкĕ уйăрнă, çавна май çĕнĕ вĕренӳ çулĕнче шкул ачисен 70 ытла проценчĕ ку чухнехи оборудовани çинче хатĕрленĕ паха апата çийĕ.
Юлашки икĕ çулта республикăра ача сачĕсем анлăн тума пуçларĕç. Строительство, юсав шучĕпе тата ача пахчисенчи лаптăксемпе тивĕçлипе усă курнипе 2011–2013 çулсенче çĕнĕрен 13 610 вырăн уçăлнă. 2015 çулхи авăнăн 1-мĕшĕ тĕлне Чăваш Енре ача пахчисенчи черет ыйтăвне татса парĕç.
Шанатăп: Чăваш Республикин вĕренӳ тытăмĕ малашне те конкуренцие хутшăнма пултаракан, пысăк пĕлӳллĕ тата культурăллă специалистсем хатĕрлĕ.
Пурне те ырлăх-сывалăх, çĕнĕ çитĕнӳсем, пултарулăх ĕçĕнче ăнăçу, телей сунатăп!
Чăваш Республикин Элтеперĕ М. Игнатьев
Хыпар çăлкуçĕ: