Кушкӑри пĕтĕмĕшле пĕлÿ паракан вӑтам шкулти вĕрентекенсем шкул ачисене тĕрлĕ темӑсемпе тĕпчев ĕҫĕсем ҫыртаттараҫҫĕ, район, республика, Раҫҫей шайĕсенчи конкурссене хутшӑнса ҫĕнтерÿҫĕсемпе призёрсем пулса тӑраҫҫĕ. Тĕпчев ĕҫĕн темине суйланӑ май паянхи куна ҫивĕч тухса тӑракан ыйтусене пӑхса тухаҫҫĕ.
Веникова Г.В. вĕрентекен ертсе пынипе кӑҫалхи вĕренÿ ҫулĕнче республика шайĕнче иртнĕ тĕпчев ĕҫĕсен конкурсĕсенче виҫĕ ача ҫĕнтерÿҫĕ, пĕр ача 2-мĕш, пĕр ача 3-мĕш вырӑнсене йышӑнма пултарчĕҫ.
Пĕтĕм тĕнчери тӑван чĕлхесен эрнинче чӑваш чĕлхипе литературине, тутар чĕлхипе литературине вĕрентекенсем шкул ачисем ҫырнӑ тĕпчев ĕҫĕсен куравне йĕркелерĕҫ. Куравра ачасем ытларах ҫемье историне, ял историне, тĕрлĕ йӑла-йĕркене, пултаруллӑ ентешсем ҫинчен ҫырса панӑ тĕпчев ĕҫĕсене тӑратнӑ.
