«Тăван чĕлхе – халăхăн аваллăхĕ, тăван чĕлхе – халăхăн сумлă та телейлĕ малашлăхĕ», –
тенĕ пирĕн ентешĕмĕр Г.Н.Волков ăсчах. Хăйне хисеплекен кирек мĕнле халăх та хăйĕн
тăван чĕлхине пысăк пуянлăх вырăнне хурса хаклать. Тӑван чĕлхене, йӑли-йĕркине
упраса хӑварас тесе Кушкӑри пĕтĕмĕшле пĕлÿ паракан вӑтам шкулта тӑрӑшакан
вĕрентекенсем те тĕрлĕ ĕҫсем туса ирттереҫҫĕ. Кӑҫал чӑваш чĕлхи эрни Мӑнкун эрнипе
пĕр килет. Веникова Г.В. вĕрентекен 6-мĕш класс ачисене Мӑнкун уявĕн йӑли-йĕркипе
паллаштарчĕ. Улттӑмĕшсем хӑйсен килĕсенче ҫак Аслӑ уява мĕнле кĕтсе илни ҫинчен
ҫырса пĕлтерчĕҫ, сӑн ÿкерчĕксем ярса пачĕҫ, тӑванĕсене, тус-юлташĕсене,
вĕрентекенĕсене чӑвашла Мӑнкун уявĕпе саламларĕҫ, сӑвӑсем ҫырчĕҫ.
Хисеплĕ вĕрентекенсем, шкул ачисем.
Сире ҫутӑ та таса Мӑнкун уявĕ ячĕпе чĕререн ӑшшӑн саламлатпӑр. Сывлӑхпа пурӑнӑр,
ӑраскаллӑ, таса чунлӑ пулӑр, кил-ҫуртра тӑнӑҫлӑха упрӑр, уява савӑнӑҫлӑ ирттерĕр.
Саламлаканĕсем улттӑмĕш класс ачисем