Кушкӑри пӗтӗмӗшле пӗлу паракан вӑтам шкулта ӗҫлекен Веникова Галина Васильевна вӗрентекен шкул ачисен ҫыруллӑ пуплевне аталантарас тесе тӗрлӗ ӗҫсем туса ирттерет. Аннесен кунне халалласа кружок членӗсем амӑшӗсене саламласа тав сӑмахӗсем ҫырчӗҫ.
Юратнӑ анне
Анне, эпӗ сана Аннесен кунӗпе саламлатӑп. Эсӗ пирӗншӗн ҫӗр ҫинчи чи лайӑх анне, чи юратнӑ анне. Ҫӗр ҫинче санран лайӑххи никам та ҫук пулӗ. (Жирнова Кристина)
Аннеҫӗм, эсӗ мана мӗн пӗчӗкрен юратса ӳстеретӗн. Чирлесен, йывӑр вӑхӑтсенче эсӗ мана ырӑ та ӑшӑ сӑмахупа пулӑшатӑн, ыталаса вӑй паратӑн. Пӗчӗкренех ырӑ ҫын пулма вӗрентетӗн, пурнӑҫӑн аслӑ ҫулӗ ҫине тухма хатӗрлетӗн.
Аннеҫӗм, сана чӗререн юратакан хӗрӳ уяв ячӗпе саламласа савӑнӑҫлӑ та такӑр ҫул, ҫирӗп сывлӑх сунать. (Морозова Эллина)
Ҫак кун аннесене саламласа парнесем парар, ҫирӗп сывлӑх сунар, савӑнтарса пурӑнар.
(Пыркин Богдан)
Аннеҫӗм, мана ӳстернӗшӗн, ҫитернӗшӗн, тумлантарнӑшӑн тав сӑмахӗ калатӑп. Эпӗ сана чӗререн юрататӑп. Эс юнашар чухне хӗвел пек ӑшӑтатӑн, яланах ӑс паратӑн. Аннеҫӗм, эсӗ маншӑн хӗвелтен те хитререх, маншӑн санран хакли ҫӗр ҫинче никам та ҫук.
(Иванов Николай)
Анне юнашар чухне мана лайӑх, килте ҫук чухне тунсӑхлатӑп. Анне, эпӗ сана уяв ячӗпе саламлатӑп, юрататӑп. (Тихонов Артём)
Анне, эпӗ сана Аннесен кунӗпе саламлатӑп. Яланхиллех матур пул, ӗмӗтӳсем пурнӑҫланса пыччӑр. Канлӗхне пӗлмесӗр пирӗншӗн тӑрӑшатӑн. Тутӑ хырӑмпа, таса ҫи-пуҫпа шкула ӑсататӑн, ырӑ кӑмӑлпа кӗтсе илетӗн. Аннеҫӗм, сана питӗ хытӑ юрататӑп.
(Салмина Виктория)
Юратнӑ анне, сана уяв ячӗпе саламлатӑп. Яланах ҫамрӑк пул, сывлӑхупа пуян пул. Юратса пӑхнӑшӑн тем пысӑкӑш тав сӑмахӗ калатӑп. Кун-ҫулу вӑрӑм пултӑр, ӗмӗтӳсем пурнӑҫланччӑр. (Баскакова Анастасия)
Юратнӑ анне! Сана аппапа иксӗмӗр уяв ячӗпе чун-чӗререн саламлатпӑр. Эсӗ пирӗн чи ҫывӑх та юратнӑ ҫын. Кирлӗ сӗнӳсем парса пире пурнӑҫ ҫулӗпе ертсе пыратӑн. Эпир сана савӑнтарса пурӑнма тӑрӑшӑпӑр. Эсӗ пуртан эпир телейлӗ. Чӗререн сана тав сӑмахӗ калатпӑр. (Селлина Ольга)
Юратнӑ аннеҫӗм, Аннесен уявне хатӗрленсе эпӗ парне хатӗрлерӗм. Эпӗ сана юрататӑп. Эсӗ те мана юратнӑран хама телейлӗ тесе шутлатӑп. (Рыбкин Сергей)
Аннеҫӗм, эсӗ манӑн чи ҫывӑх та юратнӑ ҫыннӑм. Кун ҫути парнелекене ҫирӗп сывлӑх, вӑрӑм ӗмӗр, ҫӗр ҫинче ыррине кӑна сунатӑп, телейлӗ пул, ӗмӗтӳсем пурнӑҫланса пыччӑр.
(Ильина Валерия)
Юратнӑ аннеҫӗм, пире савӑнтарса нумай-нумай ҫул пурӑн, сывлӑхлӑ, телейлӗ пул. Юратса ҫитӗнтернӗшӗн, тутлӑ апат пӗҫерсе ҫитернӗшӗн, таса та тирпейлӗ пулма вӗрентнӗшӗн чӗререн тав тӑватӑп. (Александрова Анна)
Аннеҫӗм, кунсем иртеҫҫӗ, ҫулсем иртеҫҫӗ, эпир те пысӑкланса пыратпӑр. Уявпа саламласа сана чӗререн юратни ҫинчен каласшӑн. Эсӗ яланах пирӗнпе пӗрле пул, сывлӑхпа, ырӑ кӑмӑлпа пурнӑҫ ҫулӗпе ут. (Игнатьева Аделина)
Аннеҫӗм, эсӗ пирӗн ҫывӑх ҫыннӑмӑр. Нихӑҫан та ан чирле, ан хуйхӑр. Сана уяв ячӗпе саламласа ачаш аллушӑн, ырӑ кӑмӑлушӑн тав сӑмахӗ калатӑп. (Тихонова Анстасия)
Анне ирех тӑрать, ӗҫе пуҫӑнать, канлӗхе пӗлмесӗр ӗҫлет. Выльӑхсене апат парать, эпир тӑриччен тутлӑ апат пӗҫерет. Аннеҫӗм, пуриншӗн те сана тав сӑмахӗ калатӑп, телейлӗ пул.
(Бабочкин Матвей)
Аннеҫӗм, эпӗ сана юрататӑп. Килти ӗҫсемпе сана пулӑшма, савӑнтарма тӑрӑшатӑп. Сан куллу хӗвел ҫути пек. Уявпа саламласа сана сывлӑх сунатӑп. (Романова Татьяна)
Хисеплӗрен те хисеплӗ анне, сана пӗтӗм чӗререн ыррине сунса уяв ячӗпе саламлатӑп. Ачашӑн амӑшӗ ҫӗр ҫинчи чи ҫывӑх ҫын. Аннеҫӗм, санӑн ырӑ сӗнӗвӳсемшӗн, ӑшӑ кӑмӑлушӑн, ҫепӗҫ аллусемшӗн, юратӑвушӑн чӗререн тав сӑмахӗ калатӑп. Пурнӑҫ ҫулӗпе телейлӗн, ҫӑмӑллӑн, мӑнаҫлӑн утса тухмалла пултӑр. (Дергунова Анастасия)
Аннеҫӗм, эпӗ сана юрататӑп. Эсӗ манӑн ҫывӑх ҫыннӑм, йывӑр вӑхӑтра пулӑшаканӑм. Ватлӑхра эпӗ те санӑн тӗрекӳ пулӑп. (Оноприенко Родион)